SƏTƏM üzrə mühəndis

Bilməlidir:

• Beynəlxalq Əməyin və Təhlükəsizlik İdarəetmə standartlarının (OHSAS) tələblərini;
• Fəaliyyəti ilə bağlı olan Azərbaycan Respublikasının qanunvericiliyini;
• Əməyin mühafizəsi və texniki təhlükəsizlik üzrə mühəndis fəaliyyətinə aidiyyəti olan normativ və metodiki materialları;
• Qida Təhlükəsizliyinin İdarəetmə Siyasətini;
• Əməyin qorunması qayda və normaları, təhlükəsizliyin, istehsal sanitariya və şəxsi gigiyena, yanğına qarşı təhlükəsizlik qaydalarını.

Vəzifə funksiyaları:  

• Beynəlxalq Əməyin və Təhlükəsizlik İdarəetmə standartlarının (OHSAS) tələblərini təmin etməlidir;
• İş yerlərində əməyin mühafizəsi və texniki təhlükəsizliyinə nəzarət etməlidir;
• İstehsalatda zədələnmə səbəblərinin analizı və qarşısını almaq üçün tədbirlərin hazırlanması və onların həyata keçirilməsini təşkil etməlidir;
• İş yerlərində sanitar texniki vəziyyətin yoxlanılmasında iştirak etməlidir;
• İş şəraitinin yaxşılaşdırılmasına yönələn kompleks planların hazırlanmasını təşkil etməlidir;
• Binanın, qurğuların və avadanlıqların əməyin mühafizəsi üzrə texniki vəziyyətin yoxlanılmasında iştirak etməlidir;
• Struktur bölmələrində, istehsalatda ətraf mühitin çirkləndirilməsinin qarşısını almaqda tədbirlərin görülməsində iştirak etməlidir;
• İşə götürülənlərlə giriş təlimatı aparmalı və işçilərə əməyin mühafizəsi üzrə ortaya çıxan məsələlərin aradan qaldırılmasına köməklik etməlidir;
• Texniki işçilərin əməyin mühafizəsi və təhlükəsizlik təlimatı üzrə biliklərinin yoxlanılmasında və attestasiya komissiyasının işində iştirak etməlidir;
• Xidmətlərə təlimatların işlənib hazırlanmasında iştirak etməlidir;
• İstehsalatda bədbəxt hadisələrin araşdırılmasında iştirak etməlidir;
• İşçilərin əməyin mühafizəsi üzrə ərizə, məktub və şikayətlərinə baxmalı və lazımi ölçülər götürməlidir;
• Əməyin mühafizəsi və texniki təhlükəsizlik üzrə mühəndis mövcud forma və qaydalara uyğun olaraq hesabatlar aparmalıdır;
• Əməyin mühafizəsi və texniki təhlükəsizliyi üzrə mühəndis nəzarət etməlidir:
• sağlam və təhlükəsiz iş şəraiti yaratmaq üçün tədbirlərin aparılmasına;
• əməyin mühafizəsi üçün norma, qayda və təlimatların yerinə yetirilməsinə;
• səs-küyün səviyyəsinin, titrəmənin, çirklənmənin, tozlanmanın, işıqlanmanın, temperaturun, nəmişliyin və başqa istehsalat faktorlarının ölçülməsinin qrafik üzrə aparılmasına;
• aspirator və ventilyasiya sistemlərinin keyfiyyətli işləməsinə;
• qoruyucu qurğuların və mühafizə vasitələrinin vəziyyətinə;
• iş yerlərində təlimatların vaxtında və keyfiyyətli aparılmasına;
• işçilərin əməyin mühafizəsi dərslərinin təşkilinə, biliklərinin yoxlanılmasına və attestasiyadan keçirilməsinə;
• istehsalatda bədbəxt hadisələrin uçotuna və araşdırılmasına;
• işçilərə verilən xüsusi geyimlərin, ayaqqabıların, fərdi mühafizə vəsaitələrinin və digər vasitələrin qorunmasına, yuyulmasına, təmizlənməsinə, qurudulmasına və zərərsizləşdirilməsinə;
• xidmətlərdə əməyin mühafizəsi və texniki təhlükəsizliyinə ayrılmış vəsaitlərin düzgün xərclənməsinə.

İş rejimi: I-V günlər iş vaxtı başlanır 9:00, bitir 17:00,  VI gün iş vaxtı başlanır 9:00 bitir 15:00. Nahar vaxtının başlama saatı 13:00, bitmə saatı 14:00. İstirahət günü – bazar günü (1 gün).

Əmək haqqı: Namizədin kvalifikasiyasına uyğun.

Cv:

elmira.mirzayeva@azermaya.az